E ardhmja e Icardit te Interi sa vjen dhe po ndërlikohet. Pas heqjes së shiritit të kapitenit, përjashtimit nga skuadra dhe rikthimit, klubi zikaltër ka bërë një hap që ka ngjallur mjaft dyshime për një largim të mundshëm të argjentinasit në verë.
Kompania që ka në pronësi Interin “Suning Group” ka hequr foton e Mauro Icardit duke e zëvendësuar me atë të anësorit Danilo D’Ambrosio në faqen e tij zyrtare.
Kjo ka ngritur dyshimet për “divorc” mes palëve. Kujtojmë që sulmuesi i Serisë A është nxjerrë në shitje nga Interi dhe mund të largohet vetëm për një shifër të çmendur.