Teuta në fillim të sezonit kishte si objektiv të të kualifikohej për në Kupat e Europës. Deri më tani, kur janë zhvilluar dy fazat e para, ky objektiv duket mëse i arritshëm dhe në Durrës kanë filluar të mendojnë për më shumë se kaq, të fitojnë kampionatin.
Për ta bërë diçka të tillë, duhet edhe një “goditje” e fortë në merkato. Diçka e tillë duket se nuk është e pamundur për “Djemtë e Detit”. Synimi është që në “Niko Dovana” të vijë kapiteni i Flamurtarit, Timoslav Bushiç, që mund të ketë një arsye për t’u larguar nga Vlora.
Si fillim janë problemet që vlonjatët kanë me pagat, të cilat kanë qenë pengesë kohët e fundit dhe kjo mund ta shtyjë shtatlartin që të mërrë vendimin për t’u larguar nga kuqezinjtë. Mirëpo, një tjetër arsye është edhe fakti se Teuta duket mjaft e denjë për t’u bërë ballë të gjitha skuadrave të mëdha dhe në fund mund ta fitojë kampionatin. Merkatoja është e hapur dhe gjithçka mund të ndodhë. Të presim.
Loading ...
