Prej vitit 2017 një prej mesfushorëve më të mirë të dekadës së fundit në Europë, Bastian Schweinsteiger është transferuar në kampionatin amerikan të futbollit. Gjermani po aktivizohet me ekipin e Chicago Fire dhe së fundmi duket se ka marrë një rol të ri në ekipin nga Ilinois. Basti siç e njohin të gjithë tashmë po luan në rolin e një qendërmbrojtësi.
Ish-lojtari i Bayern Munchen ndoshta nuk do e kishte imagjinuar kurrë që do luante si një mbrojtës në Amerikë, por edhe njëherë ai tregoi se çfarë lojtari i madh është dhe se është gjithmonë në dispozicion të ekipit. Gjermani shkëlqeu në fitoren e Chicagos 1-0 kundër Columbus duke marrë lëvdatat dhe duartrokitjet e të gjithëve.