Qarabag e ka kyçur titullin kampion në Azerbajxhan teksa është plot 9 pikë larg vendit të dytë ku kanë mbetur edhe 9 ndeshje për t’u luajtur. Në këtë mënyrë, azerët duan të ndërtojnë një ekip të denjë për të konkuruar në kualifikueset e Champions League, ndaj sytë janë hedhur te një lojtar kosovar.
Florent Muslija është zgjedhja e drejtuesve të Qarabag për të përforcuar repartin kreativ, raportojnë mediat azere, me dardanin që luan në të gjitha pozitat pas sulmuesit. Për 24-vjeçarin, azerët duhet të shpenzojnë paksa me kartonin e tij që vlen 1.2 milionë euro në Transfermarkt.
Në 24 ndeshje këtë sezon me Paderborn, Muslija ka shënuar 4 gola e 3 asiste dhe nëse kryen transferimin në Azerbajxhan, aty do të gjejë Redon Xhixhën, sulmuesin shqiptar që la Tiranën kampione për një tjetër ekip kampion.
