Alvaro Morata do të largohet nga Chelsea. Ky është lajmi më i fundit që përcjellin mediet angleze teksa bëjnë me dije që Barcelona po tenton huazimin e tij për pjesën e dytë sezonit.
Mësohet se agjenti i tij është në bisedime me Sevilla-n dhe Atletico Madrid, megjithatë katalanasit janë një hap më përpara. Interes për sulmuesin ka shfaqur edhe ekipi i Milanit, por ende s’është vendosur përfundimisht për të ardhmen e tij.
Një transferim i spanjollit te Barcelona do të “ngacmonte” sedrën e madrilenëve, të cilët e kishin sulmuesin pjesë të tyre për pesë sezone rresht. Në vitin që lamë pas 26-vjeçari ka shënuar 9 gola në 24 ndeshje të luajtura me blutë e Londrës.
Loading ...
