E ardhmja e Leo Messit është ende e paqartë. Sulmuesi argjentinas pritet të lërë skuadrën e Paris Saint Germain, dy vite pasi u afrua me shumë bujë me parametrat zero, pas largimit nga Barcelona.
Mes skuadrave të interesuara për shërbimet e tij është vetë klubi katalanas, i cili do ta kthejë sërish në Camp Nou pas lamtumirës në verën e vitit 2021. Megjithatë, rruga për të arritur te “Pleshti” nuk pritet të jetë e lehtë, për shkak të pengesave me Fair Play Financiar, me skuadrën që ka nevojë për një dritë jeshile nga La Liga për të vazhduar me operacionin.
Ndërkohë, sipas mediave të shumta në Francë, flitet se Barcelona ka një plan për të mos lënë Messin të arratiset drejt ofertës faraonike nga Arabia Saudite. L’Equipe ka mësuar se katalanasit janë të gatshëm të përdorin skuadrën amerikane Inter Miami për t’u afruar më shumë me 35 vjeçarin.
Gazeta franceze shpjegoi se strategjia e Barçës konsiston në nënshkrimin e një marrëveshjeje me Inter Miami për të mundësuar nënshkrimin e Leo Messit. Kështu, sulmuesi do ta kishte më të lehtë ti bashkohej ish klubit të tij, duke refuzuar përfundimisht ofertën prej 1 miliardë euro nga skuadra arabe.
