Atalanta nuk shkoi më shumë se barazimi 1-1 në Champions League ndaj Midtjylland dje në mbrëmje. Miqtë nga Danimarka kaluan të parët në avantazh, duke befasuar bergamaskët që me vështirësi çuan shifrat në 1-1.
Në lidhje me këtë duel, mbrojtësi shqiptar Berat Gjimshiti është vlerësuar me notën 5.0 nga Eurosport, duke theksuar se performance e tij ishte nën mesataren.
Debutuesit e Champions kanë surprizuar Atalantën në ndeshjen e parafundit të grupeve, me italianët që e konsideronin një duel të lehtë në letër. “Nota 5. Paraqitje nën mesatare dhe i mundur nga Kaba në rastin e golit”, shkruhet në komentin e Eurosport për Gjimshitin, që e nisi ndeshjen titullar.