Laci nuk shkoi më shumë se një barazim 1-1 ndaj Partizanit në transfertë. I ftuar në emisionin "Rubrika Sportive", mesfushori Julian Shehu u shpreh se rezultati ishte I drejtë për të që prodhoi fusha e lojës. Gjithashtu mesfushori kurbinas foli edhe për sfidën e radhës ndaj Kukësit, por edhe për shortin e Kupës ndaj Partizanit.
"Trajneri ka parë diçka të mirë te mua që u spostova pak përpara. Kishim raste për shënim, por mbaroi në barazim dhe mendoj se ishte rezultat I drejtë. Po I afrohem golit, por deri tani nuk kam shënuar. Mazrekaj nuk është ende gati, por besoj se do të jetë shumë shpejtë gati.
Kukësi është një skuadër që ka cilësi, por ne do të futemi në fushë për të marrë fitoren. Kur luan para mbrojtjes duhet të jesh pak më shumë agreziv se sa kur luan para në sulm. Partizani në Kupë? Ndaj Partizanit është më datë 17 dhe ka kohë deri atëherë. Shpresoj të marrim 3 pikë ndaj Kukësit në kampionat e pastaj të mendojmë për Kupën. Kur të jetë koha e duhur do të mendojmë edhe për Kupën", u shpreh Shehu.
Lexo gjithashtu
