Ish-presidenti i Shqipërisë Bamir Topi ka treguar se është "qjefmbetur" me kryeministrin Edi Rama pasi ky i fundit nuk e ka ftuar në stadiumin kombëtar "Air Albania", kur është bërë inaugurimi i tij.
Topi, i ftuar në emisionin "PASO" në Top Albania Radio, teksa ka folur rreth sportit, ka zbuluar se ai ka qenë personi që ka çuar në stadium Edi Ramën kur ishte kryetar Bashkie, sepse siç tha, kishte frikë nga tifozët e Tiranës.
"Unë duke e njohur shumë mirë jetën e sportit, sportiviteti të bën që të jesh vetëm objektiv, nuk mund të jesh subjektiv. Unë kam sjellë në tribunën e stadiumit njerëz që nuk kishin shkelur ndonjëherë në stadium. Duke i mbrojtur me autoritetin tim, personalitetin tim, tek e fundit ju kam nxjerrë fobitë.
Në momentin që inaugurohet "Air Albania Stadium", ish-Presidenti i Republikës që shkonte në çdo ndeshje, ka qënë edhe Presidenti i Tiranës që njihet edhe si njeri i sportit, e ka tërhequr Z. Rama në tribunën e stadiumit, kur ishte Kryetar Bashkie dhe kishte fobi nga tifozët e Tiranës dhe i kam dhënë leksione se si mund të harmonizoheshin gjërat, nuk i çon ftesë ish-Presidentit të Republikës.
Problemi është që gabime të tilla veshin njerëz që nuk kanë ndonjë lidhje organike me sportin"-deklaroi Bamir Topi.
Lexo gjithashtu
