Mario Baloteli po kalon një moment fantastik me Nicen në Francë, duke e udhëhequr ekipin e tij drejt titullit kampion.
Një rikthim në nivelet e larta për sulmuesin italian pas një periudhe të errët me Liverpulin dhe Milanin në dy sezonet e kaluara.
Por, rikthimin më të bujshëm duket se “Super Mario” e ka përtej fushës së gjelbër, pikërisht në jetën private, sepse sipas revistës “Chi”, ai i është rikthyer lidhjes Fani Negueshan.
Sipas revistës së njohur, sulmuesi dhe modelja belge kanë kaluar së bashku natën e Krishtlindjes.