Elis Bakaj ka gjetur në ekipin e tij të ri ish-lojtarin e Partizanit, Amir Rrahmanin. Të dy janë bashkuar dhe tashmë ndodhen në qytetin bregdetar kroat, Split. Ndërsa në sezonin e ri do të luajnë së bashku gjatë gjithë edicionit. Për faktin se janë shqiptarë dhe se të dy kanë veshur fanellën e Kombëtares, ata kanë marrë tjetër vëmendje në klubin kroat, ku më parë ka luajtur dhe Sokol Cikalleshi. Ndërkohë që pa dalë nga vëmendja, lojtarët në fjalë kanë shkrepur një “selfie” dhe Elis Bakaj e ka postuar menjëherë në profilin e tij zyrtar në “facebook”.
