Etrit Berisha është larguar nga Atalanta dhe këtë verë ka zgjedhur t'i bashkohet skuadrës së Spalit.
Portieri i Kombëtares sonë ka folur rreth kësaj aventure të re. Në një prononcim të dhënë për "Sky Sport", gardiani kuqezi është shprehur:
"Ne futbollistët jemi mësuar të ndryshojmë skuadrat, tani janë ditët e para, por unë jam duke punuar mirë.
Atalanta? Në këto tre vjet tek Atalanta kemi bërë një punë të shkëlqyeshme dhe unë do marrë me vete kujtimet më të mira. Tani po përpiqem të jap më shumë dhe këtu ka një dëshirë të madhe për të punuar mirë".
Sezoni i ri? Kemi besim dhe mund të bëjmë një kampionat të mirë. Rregullat kanë ndryshuar këtë vit, teksa aksioni mund të nisë nga ne. Portierët do të kenë një rol kryesor dhe trajneri jonë kërkon që të jetë portieri ai që nis aksionin", ka thënë ai.
Lexo gjithashtu
