Trajneri i Tiranës, Ardian Mema, në një intervistë të dhënë për "Panorama Sport" është shprehur se e ka menduar të japë dorëheqjen, por është ende herët për të folur për diçka të tillë.
"A e kam menduar dorëheqjen? Çdo trajner ka atë egon personale dhe të them të vërtetën është diçka që mund të mendohet. Normalisht e kam menduar, por nuk ka ma kërkuar dikush. Është diçka që mendohet, sepse futbolli ka veçoritë e veta. Ama është herët për të folur për dorëheqje. Do të shohim, por rezultatet e mbajnë ose e largojnë një trajner".
Më tej, tekniku ka treguar edhe për mbledhjen që ka pasur me presidentin e klubit, Refik Halili.
"Çfarë tha presidenti Halili në mbledhje? Presidenti foli për kthimin e rezultateve. Duhet të marrim rezultate pozitive. Kjo do t'i bëjë mirë ekipit, mua dhe të gjithëve, duke përfshirë presidentin dhe lojtarët. Ishte një mbledhje motivuese dhe kaq".
Në fund, trajneri i bardhebluve ka theksuar se këto 2 ndeshjet e fundit që kanë mbetur për fazën e parë, objektivi është rikthimi në krye të tabelës.
"Çfarë pres unë deri në fundin e fazës së parë? Mezi pres të kthehem në vendin e parë. Ky është objektivi im për momentin. Më pas, hap pas hapi".
Lexo gjithashtu
