Ditë zie për futbollin shqiptar, ditën e sotme është ndarë nga jeta në moshën 89-vjeçare, Shefqet Caslli. Ish-arbitri i FIFA-s kishte probleme shëndetësore dhe lajmi është publikuar nga gazetari, Dëfrim Methasani. Caslli e nisi arbitrimin rastësisht pasi në një ndeshje që po ndiqte në stadium mungonin arbitrat dhe më pas arriti majat duke marrë edhe stemën e FIFA-s.
Postimi i Dëfrim Methasani:
Shuhet Shefqet Caslli, ish gjyqtari ndërkombëtar i futbollit shqiptar. Mbi 500 ndeshje zyrtare, në 25 vite karierë nga 1960-1985, nuk janë pak, për njeriun që gjykimin e nisi rastësisht pasi mungonin gjyqtarët e një ndeshje ku ai ishte thjesht një tifoz, por ngjiti maja në karierën e tij, duke fituar edhe stemën e FIFA-s. Vitet e fundit të jetës ai drejtoi edhe shoqatën e "Juventusit" në Shqipëri, por sëmundja e rrëzoi në moshën 89- vjeçare duke e ndarë nga familja e tij dhe futbolli shqiptar. U prehsh në paqë bilbili ndërkombëtar i futbollit Shefqet Caslli!
Lexo gjithashtu
