“Aparati fotografik” i rrëmujës, gazetari i njohur jep gjykimin: Veprimi i RIBAJT dhe festimi? Normal

Në lidhje me incidentin e krijuar pas shënimit të golit të Flamurtarit nga sulmuesi Andi Ribaj kur u sulmua nga disa tifozë të Partizanit fotografi i Flamurtarit, gazetari sportiv Fatmir Mneri e konsideroi si të rregullt festimin Flamurtarit dhe komunikimin e Ribajt me njërin prej agresorëve. Në emisionin “Rubrika Sportive” ai shtoi se e konsideroi acarimin e tifozëve të Partizanit si të pakuptimtë.

“Festimi i Ribajt dhe dialogu me tifozin e Partizanit? Mua mu duk një veprim i zakonshëm, normal dhe logjik. Nuk mund ta quaj provokim. Është mënyrë festimi në karakter normal. Pozicioni ku kanë gjetur për të festuar lojtarët e Flamurtarit s’ka tifozë. Ka qenë irritim i pakuptimtë. Mund t’i  quaj rrugeçër ata persona që sulmuan”, u shpreh Mneri.