Pasditen e sotme, në “Loro Boriçi” pritej të zhvillohej testi miqësor mes Vllaznisë dhe Besës. Dueli nuk do të zhvillohet pasi te shkodranët janë ende tre lojtarë me Covid-19, ndërsa klubi kavajas nuk ka dashur të rrezikojë në këtë situatë pandemie. Megjithëse disa nga lojtarët janë shëruar nga virusi, ende tre prej tyre kanë shkaktuar ankth në Shkodër.
Kësisoj, Besa ka gjetur tjetër kundërshtar për miqësoren e sotme. Të besuarit e Kashamit do të udhëtojnë drejt Shijakut për t’u përballur me Erzenin. Besa e sezonit të ri pritet të hedhë dorezën e pretendentes për t’u ngjitur në elitë, pas vitesh pritje.
Loading ...
