Ancelotti dhe Xavi, së bashku me disa trajnerë të tjerë të La Ligës, ishin të pranishëm në një takim në Federatën Spanjolle. Mbledhja u mbajt për të diskutuar mbi arbitrimin dhe çështje të tjera në futbollin spanjoll.
Ancelotti është ankuar se arbitrat në La Liga nuk tregojnë respekt të mjaftueshëm për trajnerët, ndërsa Xavi ka propozuar një konferencë të përbashkët për shtyp në mënyrë që drejtuesit të shprehin ankesat e tyre.
Takimi duket se ka bërë shumë pak për të zgjidhur tensionin mes gjyqtarëve, trajnerëve dhe Federatës në përgjithësi, pasi Ancelotti shprehu zemërimin e tij më pas. I pyetur nga një gazetar se si shkoi takimi, Ancelotti tha se ishte “rrëmujë”, duke shtuar: “Ata nuk na kuptojnë ne trajnerët”.
Italiani u largua herët nga takimi në mënyrë që të mund të drejtonte seancën stërvitore të Real Madrid të martën. Ndeshja e tyre e radhës është kundër Cadiz më 26 nëntor.
Lexo gjithashtu
