Karlo Ançeloti ishte i ftuari special i kryeministrit Rama pasditen e sotme për të promovuar librin e teknikut italian. Pati shumë pyetje për trajnerin e Bajernit të Mynihut nga gazetarë, por edhe nga vetë kryeministri. Ndër më pikantet ishte kur Ançeloti u pyet se si mund të fitojë Kombëtarja kuqezi ndaj Italisë.
"Zoti Ançeloti, si mund të fitoje Shqipëria ndaj Italisë në grupin e Botërorit?", u pyet Anceloti.
Tekniku italian nuk u përgjigj për këtë, teksa deklaroi që është Xhani de Biazi që do të mendojë për ndeshjen me Italinë.
“Për këtë duhet të mendojë Xhani. Mendoj se hovi që ka pësuar Shqipëria në vitet e fundit është falë punës së Xhanit. Distanca mes skuadrave është ulur shumë, ka bërë një Europian shumë të mirë. Mendoj se çdo skuadër ka objektivin e vet, që lidhet me cilësinë e lojtarëve që keni në dispozicion. Unë mendoj se një skuadër e vogël klubi nuk mund të fitojë Champions, por mundet të bëjë futboll të mirë, zbavitës. Kjo mund të arrihet në çdo skuadër, edhe kjo është një fitore”, deklaroi Ançeloti.
Lexo gjithashtu
