Alexis Sanchez u transferua këtë sezon nga Interi tek skuadra franceze e Olimpik Marsesjë. Sulmuesi nënshkroi një kontratë një-vjeçare me klubin deri në qershor. Për pak muaj sezoni mbyllet dhe kontrata skadon kështuqë duhen bërë plane për sezonin tjetër. Por kiliani duket se po e përlqen periudhën që po kalon në Marsejë.
Ai dëshiron të vazhdojë karrierën aty dhe këtë e shprehu për “TVN Chile”: “Klubi më beson dhe kujdeset për mua, dhe kur kjo ndodhë duhet të japësh më të mirën. Do të ishte gabim nëse nuk do ta bëja. Vazhdimësia në futbool është gjëja më e vështirë, kam një kontratë një-vjeçare dhe do të doja të qëndroja. Jam i lumtur në Marsejë, i dua fansat”.
