Dje klubi i Laçit njoftoi dënimin e marr nga UEFA në formën e gjobës për sjellje të gabuar të tifozëve në ndeshjen e vlefshme për turin e parë eleminator të Europa League ndaj qipriotëve të Anorthosis.
Gjithashtu kurbinasit i bënë thirrje tifozëve që të mos përsërisin më sjellje të tilla që dëmtojnë klubin ose në të kundërt do të merren masa individuale për shkaktarët.
Por në fakt drejtuesit e Laçit harrojnë një detaj të vogël nga ajo ndeshje, ku ishte në fakt spikeri i stadiumit ai që gjatë gjithë kohës nxiste të pranishmit në stadium për mbështetje në mënyrë të gabuar. Kjo pasi një gjë e tillë nuk lejohet nga UEFA, ku spikeri duhet vetëm të jap informacione mbi zhvillimin e ndeshjes (zëvendësime, autorë golash, etj.) ose të ndërhyjë për thirrje tifezerisë në rast trazirash dhe vetëm me miratimin e delegatit të ndeshjes.
Por në atë sfidë ai mori rolin e “nxitësit të tifozëve”, gjë që nuk duhej të lejohej nga klubi i Laçit. E ndërkohë që gjoba ishte ndër të tjera edhe për këtë “gafë” të spikerit, kurbinasit gjetën kohë për të fajësuar vetëm tifozët, që për hir të së vërtetës ishin një mbështetje e madhe në atë kualifikim historik.
Loading ...
