U fol që në orët e para të mëngjesit se Andrea Agostinelli do të merrte drejtimin e Skënderbeut, por pak e besuan. Megjithatë, sot është fakt, e përpos fjalëve, fotografia tregon qartë biondin italian që tashmë është në krye të korçarëve duke zëvendësuar Mirel Josën pas 4 vitesh.
Përpos trajnerit, në foto shihet edhe japonezi Masato Fukui, i cili dje firmosi për korçarët dhe tashmë është pjesë e tyre. Të dy personazhet në fjalë janë aktualisht në stërvitjen e kampionëve në fuqi të Shqipërisë dhe po bëhen gati për ndeshjen e parë në Champions League kundër Ferencvarosh.
