Edhe pse ka marrë fitoren e parë në stolin korçar, duke mundur 1-0 Karabakun në miqësoren e së premtes, trajneri Andrea Agostineli ka rezerva për lojën e të tijve. Dhe shqetësimi i tij lidhet me repartin e prapavijës, që në dy miqësoret e Austrisë nuk ka bindur, me sa duket, veçanërisht ndaj Rijekës. Kjo ka bërë që trajneri italian të kërkojë nga presidenti Takaj jo një, por dy mbrojtës, pasi është e nevojshme. Në planet e drejtuesve të Skënderbeut kanë qenë deri tani një mbrojtës dhe një mesfushor, por listës duket se do t’i shtohet edhe një mbrojtës, pasi e ka kërkuar trajneri. Nga korçarët janë larguar mbrojtësit Vangjeli dhe Arapi gjatë merkatos së verës dhe është afruar vetëm Idrizaj.
Poll
Lexo gjithashtu
