16 ndeshje, 7 gola të shënuar. I kudondodhur, i pagabueshëm para porte dhe vetëm 21 vjeç. Xhuliano Skuka sulmuesi i Korabit ka “firmosur” kontratën e ndritur me të ardhmen. Luan me dibranët në Kategorinë e Parë dhe të gjithë ata që e kanë parë, janë stërvitur dhe e kanë stërvitur flasin me superlativa për të.
Padyshim një lojtar që i mungon kampionatit shqiptar dhe veçanërisht elitës. Klubet e Superiores e kanë ndjekur me kujdes në këtë edicion futbollistik dhe në merkaton e verës nuk do të mungojnë ofertat në drejtim të tij. Sezonin e shkuar arriti të realizonte 11 gola në 24 ndeshje, ndërsa këtë edicion e ngritur shumë “stekën” me një mesatare 0.5 gola për ndeshje.
Loading ...
