Federata e futbollit në Kosovë feston 5 vjetorin e pranimit në UEFA. Një datë historike për futbollin kosovar që tashmë marrin pjesë më të drejta të plota në botën e futbollit. Për këtë datë historike të futbollit kosovar ka reaguar edhe presidenti i Federatës shqiptare të futbollit, Armand Duka.
Përmes një postimi në faqen zyrtare, nurmi një i futbollit në Shqipëri ka uruar Kosovën për këtë arritje, ndërsa ka kujtuar edhe ish-presidentin, Fadil Vokrri pasi pa kontributin e tij, kjo ngjarje historike do të ishte e pamundur.
Postimi i Armand Dukës:
Sot është një datë historike për futbollin kosovar dhe Federatën e Futbollit të Kosovës. 5 vite më parë Kosova u pranua si anëtare me rë drejta të plota në UEFA gjatë Kongresit të 40-të, duke shënuar kështu një arritje të madhe në arenën ndërkombëtare.Dua të shpreh urimet më të sinqerta për FFK-në, presidentin Agim Ademi dhe të gjithë aktorët e futbollit në Kosovë në këtë përvjetor të pestë. Ndihem mirë teksa shoh që futbolli kosovar ka bërë hapa të mëdha përpara, duke u rritur dhe duke u përfaqësuar gjithmonë e më mirë edhe ndërkombëtarisht.Federata Shqiptare e Futbollit është krenare për kontributin që ka dhënë në këtë proces historik dhe do të vazhdojë të bashkëpunojë ngushtë me vëllezërit tanë të FFK për të çuar përpara projekte të mëdha në të mirë të futbollit. Falënderim e mirënjohje përjetë edhe për ish-presidentin e ndjerë të FFK, legjendën Fadil Vokrri, pa kontributin e të cilit kjo ngjarje historike do të ishte e pamundur.Urime edhe një herë Federatës së Futbollit të Kosovës në këtë ditë të shënuar!
Loading ...
