Besëlidhja arriti të kualifikohej në çerekfinalen e Kupës së Shqipërisë duke eliminuar Partizanin. Skuadra lezhiane u mposht sot 3-1 nga të kuqtë, mirëpo fitorja në përballjen e parë me rezultatin 3-0 i jep të drejtë ekipit të Plorit të shkojë më tej. Favoritë në letër ishte skuadra e kuqe, por fusha tregoi sot të kundërtën.
Një eliminim që s’i shkon për shtat as Tiranës, pasi në çerekfinale dy skuadrat e kryeqytetit do të përballeshin së bashku, takim që do të mbushte ndjeshëm arkat e dy klubeve. Interesi për derbin e kryeqytetit ka qenë mjaft i madh. Madje, në përballjen mes Partizanit dhe Tiranës të luajtur me 13 dhjetor në “Air Albania Stadium”, të kuqtë grumbulluan plot 207 milionë lekë vetëm nga shitja e biletave.
Pra, kualifikimi i Besëlidhjes i ka prishur punë të dy klubeve sa i përket aspektit financiar, pasi në dy ndeshje mes tyre parashikohej të grumbulloheshin plot 400 milionë lekë nga shitja e biletave.
Loading ...
