Bledar Kola, ish lojtari i Besëlidhjes, Partizanit dhe Elbasanit në fillim të viteve 1990 në Shqipëri, ka rinovuar për ekipin e APOEL Nicosia. Lezhiani që ka një karrierë të gjatë në Greqi si futbollist, u bashkua me gjigantët qipriotë në shkurt si ndihmës trajner i Marino Ozunidis, ndërsa tanimë ka rinovuar deri në verën e 2021.
Kola ka zhvilluar 39 paraqitje me fanellën e Kombëtares shqiptare të futbollit, duke realizuar edhe 6 gola. Ai u tërhoq nga futbolli i luajtur në verën e 2004, duke iu dedikuar profesionit të trajnerit, ndërsa do jetë edhe për të paktën një sezon pjesë e APOEL në Qipro.
