2 milionë euro për Mërgim Mavrajn, gati transferimi

Mërgim Mavraj, në qendër të merkatos verore, duket se do ta vazhdojë karrierën e tij në Turqi, me Beshiktashin, që është gati të shpenzojë plot 2 milionë euro për mbrojtësin kuqezi, sipas shtypit gjerman. Transferimi bëhet më i besueshëm, ngaqë Këlni mund ta lërë të lirë Mavrajn, edhe pse ka edhe një vit kontratë, pasi është në bisedime me mbrojtësin e Serbisë dhe të Borusias së Dortmundit, Neven Subotiç. Nga kjo situatë është gati të përfitojë klubi i madh turk, që ka bërë gati edhe ofertën zyrtare. Në Turqi duket se do të kemi më shumë shqiptarë sezonin e ri. Paraqitja e Mavrajt në Francë i ka bërë për vete drejtuesit e Beshiktashit.