Skënderbeu ia doli të ndalë Partizanin, me shifrat 1-1. Goli i parë u realizua nga Junior, ndërsa i dyti nga Mensah. Menjëherë pas takimit, për mediet ka folur trajneri i korçarëve, Migen Memelli. Memelli komplimenton ekipin për paraqitjen e bërë, duke theksuar se pika e marrë ishte tërësisht e merituar.
"Mikut tim Alban Berisha i thashë fjalën që do e mundja Partizanin. Për nga rëndësia dhe presioni, ishte një shfryrje e momentit. Komplimente të jashtëzakonshme djemve. Ne mundoheshim që të ushtronim presion. Do doja ta ndaja ndeshjen në dy pjesë. E para ishte e Partizanit, ndërsa e dyta ishte e jona. Qëndrimi në Superligë më i afërt se kurrë. Nga ana psikologjike nuk kam frikë pasi ekipi po tregon se di të përballet edhe me rivalë të këtij niveli. Motivimi qëndron tek këta lojtarë.
Do mundohemi që në javët në vazhdim të ndalet në aspektin tekniko-taktik. Rezultatin e Bylisit e mora vesh në fund të takimit. Ajo që më solli te Skënderbeu, ishin lojtarët. Kemi bërë që ekipi të funksionojë si një trup i vetëm. Ishim bërë gati që ata do vinin me dy sisteme loje. Më e thjeshtë për ne do ishte jë 4-3-3. E kundërta ndodhi. Presioni është i jashtëzakonshëm. Edhe një pikë karshi një rivali si Partizani, vlen. I kemi bërë nder vetes. 2 janë ekipet që kam patur vështirësi ndaj tyre. E para është Tirana dhe e dyta Partizani. Partizani është ekip i fortë, i aftë për të fituar titullin" - tha ai.
Lexo gjithashtu
