Skënderbeu zyrtarizoi pak ditë më parë katër futbollistë. Vangjel Zguro, Melos Bajrami, Leard Sadriu dhe Agbodizie Abbey janë lojtarët më të rinj të korçarëve.
Klubi nga juglindja e vendit ende nuk ka bërë publike nëse FIFA i ka zhbllokuar merkaton, teksa një borxh prej 4 mijë eurosh mban “peng” korçarët.
Së fundmi, Gilman Lika është një ndër emrat e preferuar në Korçë. Trajneri Julian Ahmataj i di cilësitë e 34 vjeçarit, që mund të jetë lojtari më i ri i Skënderbeut. Zhbllokimi i merkatos duket se është pika kyçe për ecurinë e bardhekuqve, që ndryshe nga disa sezone më parë nuk luftojnë më për vendet e kreut.
Loading ...
