Faza përgatitore e këtij dimri ka arritur në mesin e saj dhe tashmë klubet do të zhvillojnë sprintet e fundit, para se të futen në fushën e blertë për Kategorinë Superiore.
Dy klubet shqiptare Skënderbeu dhe Teuta janë duke i zhvilluar përgatitjet brenda vendit, konkretisht në Durrës. Pas seancave të ngarkuara fizikisht dhe taktikisht, të dyja ekipet kanë rënë dakord për të zhvilluar një ndeshje miqësore me njëra-tjetrën. Sfida pritet të zhvillohet ditën e nesërme në orën 14:00 pranë “Tropikal Resort”.
Klubi i Teutës vetëm disa ditë më parë mposhti në miqësore Besën e Kavajës me rezultatin 4-0. Ndërsa nga ana tjetër Skënderbeu fitoi me Besëlidhjen me rezultatin 5-2, pas humbjes së miqësores së parë ndaj Egnatias 0-1. Një sfidë e këtij niveli do të shërbente për të dy trajnerët si Daja dhe Martini për të parë gjendjen e skuadrave të tyre.
Loading ...
