Klevis Dalipi nuk është më trajneri i Apolonisë. Pas vetëm tre ndeshjeve në Kategorinë e Parë, Dalipi është larguar nga skuadra duke konfirmuar gjithçka në rrjetet sociale.
“Projekt i papërfunduar. Një falenderim për impenjimin dhe seriozitetin e treguar nga ju djema. Suksese, jeni më të mirët”, shkruan Dalipi. Hije shkarkimi nga fjalët e trajnerit, që në tre takime siguroi 4 pikë, me një fitore, një barazim dhe një humbje.
I afruar te fierakët verën që lamë pas, Dalipi nuk e drejtoi ekipin në më shumë se tre ndeshje. Duket se humbja e tre ditëve më parë me Besën në Peqin 2-1, ka bërë që për trajnerin të ketë masa drastike.
Në karrierën e tij, 46 vjeçari nga Elbasani ka drejtuar skuadra si Partizani, Luftëtari, Korabi dhe Tomori.
