Turbina godet në merkato teksa tre lojtarë do të jenë përforcimet e rradhës në merkato për trajnerin Bledar Devolli. Florian Daci, Mal Mehmeti dhe Gjyrkan Shehi janë lojtarët më të rinj të cërrikasve. Dy të parët vijnë nga ekipi i Lushnjes dhe luajnë në pozicionet, sulmues dhe mesfushor, ndërsa Shehi vjen nga Elbasani në Kategorinë e Dytë.
Për Dacin dhe Shehin është një rikthim ky në Cërrik pasi kanë mbajtur veshur fanellën verdhekuqe edhe më parë. Turbina gjendet në vendin e parafundit në tabelë por gara për mbijetesë është shumë e fortë me shumë ekipe që nuk kanë diferencë të madhe pikësh. Turbina do të udhëtojë për në Berat ku do të sfidojë Tomorin në fundjavë për javën e 13-të të kampionatit.
Loading ...
