Tashmë është zyrtare, Enis Gavazaj largohet nga Kukësi pas një sezoni. Sulmuesi u afrua gjatë merkatos së vitit të kaluar e tani mbyll përfundimisht aventurën e tij me verilindorët. Neësport.al raportoi një orë më parë që Gavazaj është larguar, ndërsa klubi në faqen zyrtare ka konfirmuar lajmin. Marrëveshja mes lojtarit dhe drejtuesve është mbyllur me konsensus e në këtë mënyrë Gavazaj bëhet gati për një tjetër aventurë.
NJOFTIM I KLUBIT!
Enis Gavazan nuk është më pjesë e Kukësit! Sulmuesi nga Prizreni ka mbyllur sot aventurën e tij me skuadrën tonë. Presidenti i klubit dhe sulmuesi Gavazaj kanë pasur një takim me njëri-tjetrin dhe më pas kanë vendosur të ndërpresin bashkëpunimin.
Kontrata e Gavazajt përfundonte verën e ardhshme, megjithatë palët kanë shtrënguar duart duke ndërprerë kontratën parakohe.
Klubi i Kukësit e falënderon Enis Gavazajn për kontributin e dhënë me fanellën e Kukësit dhe i uron suksese në të ardhmen. Faleminderit Enis!
Lexo gjithashtu
