Klubi korçar duket se nuk e ka mbyllur akoma merkaton, duke zyrtarizuar ditën e sotme një transferim të bujshëm. Skënderbeu ka bërë të ditur për mediat, se ka arritur akordin me talentin 18-vjeçar,Agon Elezi, i cili vjen nga ekipi U-19 i Caen të francës dhe shikohet si një nga talentet më premtues në të ardhmen.
"Prej sot, Agon Elezi është zyrtarisht futbollist i KF Skënderbeu.
18-Vjeçari ka konkretizuar sot akordin paraprak të arritur me klubin duke firmosur kontratën që e lidh me KF Skënderbeu për 3 vitet e ardhshme.
Elezi u bashkua sot me grupin nën urdhrat e trajnerit Ilir Daja dhe stafit teknik.
Elezi vjen nga ekipi Under19 i ekipit Francez SM Caen dhe është pjesë e përfaqësueses U19 dhe Under21 të Maqedonisë së Veriut. Vlen të theksohet se 18-vjeçari mban shiritin e kapitenit tek kombëtarja U-19.
PROFILI I LOJTARIT:
Datëlindja: 1 Mars 2001
Vëndlindja: Shkup
Nënshtetësi: Shqiptar, Maqedonia e Veriut
Gjatësia: 1.78 M
Pozicioni: Mesfushor qëndër
Këmba e fortë: E djathta", shkruan klubi i Skënderbeut.
Lexo gjithashtu
