Një humbje dhe një barazim pa gola për Tiranën, këto janë rezultatet e dy takimeve të para të bardhebluve në këtë edicion të ri futbollistik. Edhe pse trajneri Ze Maria e parashikoi këtë gjë pa nisur mirë kampionati, duket se fjala e teknikut është drejt konfirmimit.
Ze Maria deklaroi pak ditë më parë se Tiranën e vërtetë do ta shohim vetëm pas ndeshjes së tretë dhe ashtu pritet të ndodhë, në të kundërt situata vetëm sa do të përkeqësohet. Sot, pas barazimit me Teutën, trajneri iu ka dërguar sinjale të qarta drejtuesve të klubit lidhur me afrimin sa më shpejt të dy lojtarëve që ka kërkuar në këtë merkato vere, këta të fundit sulmues.
Reparti që Tirana çalon më shumë është ai i sulmit, detaj të cilin Ze Maria e theksoi disa herë pas asaj disfate disi të butë në "Selman Stërmasi" ndaj durrsakëve. Ndër të tjera, tekniku specifikoi se nëse nuk i vijnë dy lojtarët që ai ka kërkuar, do të ulet dhe do të flasë me drejtuesit për objektivat, sinjal ky i qartë për drejtuesit të cilët duhet të plotësojnë dëshirat e trajnerit në rast se nuk duan të kenë probleme të tjera për tëzgjidhur.
Lexo gjithashtu
