“Ylli” i Kukësit gati të vishet i kuq

Edon Hasani është një nga mesfushorët e fokusuar nga drejtuesit e Partizanit, të cilët duan të gjejnë zëvendësuesin e brazilianit Felipe Gomes. Dhe kandidati kryesor ëhstë pikërisht shkodrani, i cili ka bërë një sezon të shkëlqyer me Kukësin, duke fituar edhe Kupën e Shqipërisë. Duket e vështirë, që të kuqtë t’ia rrëmbejnë këtë lojtar cilësor skuadrës së presidentit Safet Gjici, por ata mbeten të vendosur për ta bërë Hasanin përforcimin e radhës te Partizani. Mesfushori ka qenë më parë edhe objektiv i Tiranës dhe Vllaznisë.