Sulmuesi afrikan Reginaldo padyshim që është goditja më e madhe e Kukësit në këtë merkato.
Ardhja e tij te verilindorët tregoi se drejutesit nuk i kishin bërë gabim llogaritë me mozambikasin duke i besuar plotësisht aftësive të tij. Reginaldo nuk do të jetë në dispozicion për teknikun Cungu, pasi është lënduar në stërvitje gjatë periudhës së stërvitjes me kombëtaren e Mozambikut.
Por ish-sulmuesi i Laçit dhe Luftëtarit ka fituar një tjetër betejë brenda ekipit. Ai është kthyer në lojtarin më të paguar të klubit verilindor, pasi Donjet Shkodra pranoi të reduktonte rrogën e tij mujore nga 7 mijë € në 5.500 € që qëndron në fuqi deri në muajin janar. Reginaldo tani fiton më shumë se çdo futbollist tjetër i Kukësit duke marrë në xhep 6 mijë € në muaj. Sulmuesi përfiton akoma më tepër për çdo gol të shënuar dhe asiste të dhuruara. 3 golat e shënuar ndaj Tiranës dhe 2 ndaj gjeorgjianëve të Torpedo Kutaisit në Europa League dëshmojnë se Kukësi ka në radhët e veta një “vrasës” të vërtetë përpara portës.
Loading ...
