Debrecen – Kukësi 3-0
Debreçen: Nagy, Szatamary, Pavkovicks, Tozser, Ferenci, Takazs, Haris, Varga, Kusnyir, Szecsi, Trujic
Kukësi: Frashëri, Kitanovski, Cuculi, Rroca, Limaj, Shkurtaj, Ethemi, Rrumbullaku, Teqja, Musolli, Rama
Komenti minutë pas minute:
S’kishte shumë histori ndeshja mes Debreçenit dhe Kukësit. Vendasit fitojnë bindshëm me rezultatin 3-0, duke hipotekuar kështu edhe kualifikimin për në raundin tjetër, edhe pse ende nuk ka përfunduar asgjë.
Në fakt, rezultati ndoshta nuk e tregon atë se çfarë skuadrat dhanë në fushën e lojës, sepse verilindorët luajtën si të barabartë në këtë sfidë dhe patën shanset e tyre për të shënuar gol, mirëpo nuk ia dolën.
Debreçeni i shënoi golat në pjesën e dytë. Garba në minutën e 54, dhe më pas në minutën e 77 dhe 83 ishte Varga që shënoi 2 golat e tjerë. Sfida tjetër do të luhet në javën e ardhshme dhe të shohim nëse skuadra e drejtuar nga Ernest Gjoka do arrijë të bëjë mrekullinë, duke përmbysur rezultatin. Ndoshta duket shumë e vështirë, por në futoll ka një shprehje, “kurrë mos thuaj kurrë”.
90′ Arbitri jep vetëm 3 minuta shtesë. Kukësi nuk arrin të shënojë minimumi 1 gol, ndërsa pëson 3 të tillë, duke pasur pak shpresa për kualifikim në raundin tjetër. Pas një jave do të luhet ndeshja e kthimit në Shqipëri.
83′ Debreçeni realizon edhe golin e 3, duke i vënë kapakun edhe kualifikimit. Një pakujdesi e Kukësit në mbrojtje dhe pasiguri e Frashërit në portë, sjellin edhe golin e radhës për vendasit.
77′ Debreçeni realizon të dytin me një kundërsulm fantastik. Kukësi nuk shfrytëzon mundësinë që kishte pak momente më parë dhe më pas e pëson.
74′ Kukësi pranë golit. Valdet Rama i papërmbajtshëm dhe për pak sa nuk shënon për verilindorët.
54′ Kukësi pëson gol. Një gabim i Cuculit i kushton rëndë verilindorëve. Topi po shkonte drejt portierit Frashëri, por Cuculi ndërhyn dhe e devijon në korrne, që më pas solli edhe golin për Debreçenin.
53′ Vesel Limaj gjuan nga distanca, por topi shkon mbi kuadrat.
46′ Starton pjesa e dytë mes Kukësit dhe Debreçenit.
45′ Mbyllet pjesa e parë mes Debreçenit dhe Kukësit. Rezultati mbetet i pandryshuar, pasi asnjë prej skuadrave nuk ka mundur ta dërgojë topin në fundin e rrjetës. Duhet theksuar se skuadra e drejtuar nga Ernest Gjoka po bën një paraqitje me të vërtetë shumë të mirë.
34′- E pabesueshme ç’bën arbitri. Ethemi shmang bukur lojtarin e fundit të Debrecenit, ndërsa ky i fundit hyn keq, por për gjyqtarin është i rregullt. Ndërkohe mund të jepej dhe karton i kuq.
24′- Kukësi pranë golit. Eduart Rroca bën gjithcka bukur, por shtylla se lejon të gëzojë golin e parë.
12′- Valdet Rama bën gjithcka mjaft bukur, por në fund është portieri vendas që e ndal. Mesfushori driblon gjithkë që i del përpara duke dhuruar spektakël.
8′- Vendasit provojnë me një goditje nga larg, por sfera është shumë larg kuadratit të mbrojtur nga Stivi Frashëri.
1′- Topi i parë shkelmohet nga vendasit.
Loading ...
