Charles de Ketelaere ka lënë gjurmët e tij në sfidën e fundit miqësore, që Milan zhvilloi në kuadër të përgatitjeve për sezonin e ri. Kuqezinjtë fituan 7-1 përballë Pergolettese, që militon në Seria C, teksa de Ketelaere realizoi tripletë. Sfida shërbeu për të parë lojtarë të rinj, që mund të kenë minuta gjatë sezonit që po vjen.
Belgut i mjaftuan 26 minuta për të shënuar 3 gola, duke i dhënë një mesazh trajnerit Pioli në prag të fillimit të kampionatit. Goli i parë për të me fanellën e Milanit u shënua me penallti, të cilën mund ta shihni më poshtë. E ardhmja duket e ndritur për 21-vjeçarin.
