Tirana U-15 arrin të fitojë kampionatin e moshave. Bardheblutë u ndalën në barazim pa gola me Teutën por kjo pikë me vlerë bëri që djemtë e moshave të shpalleshin kampionë 1 javë përpara përfundimit të kampionatit duke lënë pas tyre Partizanin.
Të kuqtë arritën të fitonin përballë Internacional Tirana me rezultatin 1-0. Kjo fitore për të “demat” e vegjël ishte vetëm për të blinduar vendin e dytë. Partizani ndodhet 3 pikë larg Tiranës kryesuese por ndeshjet direkte i japin titullin kampion të besuarve të Endri Ohrit.
15-vjeçarët bardheblu kanë festuar titullin pas përfundimit të ndeshjes, duke lënë kështu rivalin e tyre direkt të gëzohet vetëm me vendin e dytë.
