Tirana U19-Shëkolli U19 3-2
Shënkolli gjen golin e dytë në minutën e 94-të me Hoxhën, por që nuk mjafton pasi Tirana fiton finalen e parë të Kupës së Shqipërisë për moshat U-19.
Nuk ka fund spektakli në finalen e Kupës së Shqipërisë për moshat U-19, Tirana-Shënkolli. Në minutën e 86-të Shënkolli rihap ndeshjen me Markun që shënon një supergol nga faulli, ndërsa Stafa për Tiranën një minutë më vonë shuan shpresat e skuadrës së Shënkollit.
Tirana gjen edhe golin e dytë të ndeshjes me Elezin në minutën e 68-të. Një pasim “alla Iniesta” për sulmuesin bardheblu që me prekje të lehtë mposht portierin Simoni. Një gol që i jep qetësi Tiranës dhe e dërgon drejt fitimit të Kupës. 3 minuta më vonë Tirana fiton penallti. Nga 11-metra gjuan kapiteni Stafa, por nuk tregohet i saktë pasi pret portieri Simoni.
Është zhbllokuar finalja e Kupës së Shqipërisë mes Tiranës dhe Shënkollit U-19. Në minutën e 60-të janë bardheblutë që me një skem të bukur nga goditja e dënimit gjejnë rrjetën pasi Uka devijon në portën e tij dhe i jep avantazhit Tiranës.
Është mbyllur në barazim 0-0 pjesa e parë mes Tiranës dhe Shënkollit U-19. Një ndeshje e cila po luhet në “Air Albania” dhe në fraksionin e parë nuk ka prodhuar fitues duke lënë gjithçka të hapur në të dytën.
Janë bardheblutë që janë më kërkues në 45 minutat e para me Shënkollit që mbrohet mirë dhe tenton të sulmojë me kundërsulme. Gjithçka do të vendoset në pjesën e dytë dhe nëse sfida mbyllet në barazim ndeshje do të vendoset direkt nga penalltitë.
Loading ...
