Pas disa ditëve pushim, Kukësi ka nisur sërish përgatitjet teksa futbolli i klubeve i lë vendin atij ndërkombëtar në pauzën e ndeshjeve kualifikuese për Euro 2024. Verilindorët janë bashkuar sot në stërvitje ku kanë nisur përgatitjet e para për ndeshjen me Egnatian më 1 prill.
Atmosfera është pozitive dhe skuadra po kalon një formë shumë të mirë duke marrë rezultate pozitive në kampionat që e kanë bërë të largohet nga gara e mbijetesës. Forma e mirë duket edhe në stërvitje teksa me një postim të klubit në rrjete sociale shihen disa aksione fantastike të lojtarëve.
Me Egnatian, ekipi i Hallaçit do të kërkojë fitoren për të tentuar një vend në Kupat e Europës pasi diferenca është vetëm 3 pikë.
View this post on Instagram