Vllaznia nuk ia doli sërish sot të rikthehej te fitorja as pas emërimit të trajnerit të ri. Hysen Dedja u shpreh i zhgënjyer për lëshimin në pjesën e dytë, ndërsa Teuta i barazoi në frymën e fundit, në ndeshjen e parë të vlefshme për çerekfinalen e parë të Kupës së Republikës. Ndeshja përfundoi 2-2, por në gjithë këtë situatë negative, kuqeblutë morën një lajm të mirë.
Shkodranët të paktën nuk janë braktisur nga tifozeria e vet. Ka qenë grupimi Poëer 12 që gjatë gjithë 90 minutëshit ka brohoritur për të mbështëur lojtarët në fushë. Edhe pse jashtë stadiumit, djemtë shkodranë i kanë dhënë mbështetje skuadrës së tyre, megjithëse rezultati 2-2 nuk është në favor të kuqebluve për ndeshjen e kthimit në 24 qershor.
