Napoli ka marrë një fitore të artë ndaj Spezia në transfertë me rezultatin 1-4. Skuadra e drejtuar nga Gatusso shkatërroi Spezia duke shënuar “poker” golash. Në fushë kishte edhe derbi shqiptarësh pasi te Spezia luante titullar Ismajli, ndërsa te Napoli, Rrahmani, ndërsa Hysaj u aktivizua në pjesën e dytë. Napoli mbylli ndeshjen që në pjesën e parë duke shënuar 3 herë me Zielinski dhe dopieta e Osimhen.
Në fraksionin e dytë, Spezia rihapi ndeshjen me Picoli, por Napoli shënoi edhe golin e 4-të me Lozano duke mbyllur përfundimisht ndeshjen 1-4. Me këtë 3 pikësh, Napoli shkon momentalisht në vendin e 2-të me 70 pikë, ndërsa Spezia në vendin e 16-të me 34 pikë.