Flamurtari ka zhvilluar ditën e sotme një test miqësor ndaj Orikumit. Skuadra vlonjate ashtu si shumica e klubeve të tjera në Superligë ka testuar lojtarët pas disa ditësh stërvitje. Kjo ndeshje është mbyllur me rezultatin 0-1 për skuadrën e Orikumit që shënoi me anë të Kongjonit.
Miqtë kishin mundësi të dyfishonin rezultatin, por Caushaj nuk u tregua i saktë nga penalltia pasi u ndal nga Moçka. Për herë të parë me skuadrën pas pandemisë është bashkuar edhe trajneri Marselo Troisi që ka drejtuar sot ekipin në ndeshjen miqësore.
