VIDEO/ Laçi dhe Kukësi ndahen në “paqe”, finalistja përcaktohet në ndeshjen e kthimit

Ka përfunduar ndeshja e parë gjysmëfinale e Kupës së Shqipërisë, mes Laçit dhe Kukësit, me rezultatin 0-0. Pjesa e parë ishte e vakët për të dyja ekipet, teksa rrezikuan shumë pak portat kundërshtare.

Në minutën e 41-të pati dhe tension në fushë, teksa Musolli dhe Shtubina u konflikutan në fushë.

Tifozët nisën të hedhin sende në fushë, ndërsa arbitri ndëshkoi me kartona të verdhë Musollin dhe Shtubinën. Në pjesën e dytë ndeshja pati më shumë raste, por sërish nuk u gjet rruga e rrjetës. Në minutën e 72-të, Idrizi shënoi, por goli i tij u anullua nga arbitri për faull.

Laçi-Kukësi 0-0

90′ Mbyllet kështu ndeshja, Laçi 0-0 Kukësi.

72′ Kukësi shënon me anë të Idrizit, por arbitri  e anullon për një faull të shkaktuar

45′ Mbyllet pjesa e parë 0-0

41′ Musolli kapet me Shtubinën, më pas tifozët hedhin sende në fushë dhe godasin lojtarët me shishe, e çakmakë

28′ Rexhinaldo ka shansin e artë para portës, Koliçi pret dhe largon rrezikun

18′ Kukësi rrezikon me Shkodrën, jashtë përfundon topi

10′ Laçi rrezikon, por goditja përfundon jashtë

1′ Starton sfida në Laç

Laçi: Vata, Shtubina, Qaqi, Gjoni, Sefgjini, Lulaj, Eskerda, Kallaku, Nika, Uzuni, Reginaldo

Kukësi:  Koliçi, Zderic, Shameti, Hoxha, Rumbullaku, Musolli, Dzaria, Idrizi, Shkodra, Cale, Guri