Partizani B humbi dje 1-3 me Burrelin për ndeshjen e javës së 12 të Kategorisë së Parë, grupi A. Dueli ka qenë i luftuar, teksa janë dhënë penallti, karton i kuq dhe faulla që për vendasit kanë qenë të dyshimtë.
Në pjesën e dytë, Partizani B ka pretenduar një faull jashtë zonës për ndërhyrjen e Mirakës. Kapiteni i Partizanit B, Florian Peqini ka komentuar këtë rast në faqen e tifozëve “Kategoria e Parë”, duke akuzuar arbitrin Elidon Halo se ka marrë rryshfet nga Burreli për të arbitruar kundër të kuqve.
“Pyesni arbitrin sa lekë ka marrë dhe e gjykon ai karagjozi. E lashë avantazh tha, pse nuk e bëtë gol”, tregon Peqini. Më pas në bisedë është përfshirë edhe sulmuesi i Demave, Redi Veriu. “S’është nga ata burra ai, s’merr lekë, merr vetëm euro”, shkruan Veriu.
Loading ...
