Është mbyllur sot java e 31 e Superligës me tre ndeshjet e fundit. Në Shkodër, Vllaznia dhe Teuta janë ndarë në paqe, ndërsa në “Elbasan Arena”, Partizani ka fituar 1-0 me Apoloninë e vendit të fundit. Me këto tri pikë dhe me ndaljen e rivalëve, Demat shkojnë në krye të klasifikimit për herë të parë të vetëm në këtë sezon.
Sfida e të besuarve të Dajës është dominuar nga ta, ndërsa rezultati nuk flet shumë. Një rast flagrant është humbur nga Kristi Kote në të 85 minutë, me mesfushorin që mund të vuloste sfidën. Nga 11 metra lojtari e dërgon topin mbi traun e Harizaj. Një rast i ngjashëm edhe në Shkodër, me Imerin e Vllaznisë që mund të ishte vendimtar për të tijtë në të 4 minutë, teksa nga më pak se 11 metra e ka çuar topin jashtë.
Loading ...
