Kaleb Ekuban ishte protagonist i mbrëmjes së sotme në ndeshjen kundër Fenerbahçes. Sulmuesi i Partizani goditi në pjesën e parë traversën, ndërsa në të dytën arriti të shënonte një gol të bukur me aksion individual. Në minutën e 82-të, 22-vjeçari shkëputet bukur nga mbrojtja e skuadrës turke dhe arrin të depërtojë në zonë.
I vetëm me portierin, Ekuban nuk e ka të vështirë të çojë topin në rrjetë. Pikërisht pas ndeshjes, u mësua që italo-ganezin kishin ardhur disa menaxherë për ta vëzhguar nga afër.