Tashmë Bledar Devolli është trajneri më i ri i skuadrës së Kastriotit. Në një prononcim për mediat, tekniku është shprehur se i pëlqejnë sfidat, prandaj e ka zgjedhur të marrë përsipër drejtimin e skuadrës.
“Jam njeri që më pëlqejnë sfidat. Kam marrë garanci nga presidenti. Me 4-5 përforcime do të bëjmë ekip konkurues dhe me punën tonë dhe me ndihmën e Zotit të dalim nga kjo situatë sa më shpejtë. Janë akoma dy faza për të luajtur, sepse matematika na lejon të luajmë deri në fund. Shpresoj që këtë javë të mbyllim 90% të ekipit dhe të jemi gati për fillimin e kampionatit”, është shprehur Devolli.